Fáa nú evsta myndugleika í føroyskum

Verður tað til landsstýriskvinnuna, fáa vit nú eitt málráð, sum fær avgerandi myndugleika í spurningum um føroyska málið

Anna V. Ellingsgaard

11.02.2010 (13:02)

<style type="text/css">  </style>   <o:p> </o:p> Fyrrapartin varð stóra málálitið, sum málstevnunevndin orðaði í 2007, umsíðir lagt til aðalorðaskifti á tingi. <o:p></o:p> Í upplegginum til orðaskiftið hevur landsstýriskvinnan, Helena Dam á Neystabø, longu gjørt greitt, at ávís tilmæli í álitinum fáa hægri raðfesting enn onnur.<o:p></o:p> Eitt nú hevur eitt samt løgting longu tikið undir við tilmælinum frá málstevnunevndini um við lóg at skipa eitt málráð, har ymiskar málpolitiskar fatanir verða umboðaðar, og sum fær mynduleika at gera av spurningar av málsligum slagi. Málráðið kemur sostatt í staðin fyri núverandi Føroysku Málnevndina, ið bert hevur heimild at vera ráðgevandi í málsligum spurningum.<o:p></o:p> <o:p> </o:p> Evstar málreglur<o:p></o:p> Sjálv heldur landsstýriskvinnan tað hava bæði týdning og skund at skipa eitt slíkt málráð. Tí hevur hon longu sett ein arbeiðsbólk, sum skal gera uppskot til, hvussu vit skipa okkum við eini mállóg, har heimildirnar hjá málráðnum verða lógarfestar. Á tann hátt kunnu vit tryggja, at vit hava ein sakkønan myndugleika, sum til dømis kann staðfesta eina rættskrivingarorðabók, eitt stavrað og taka endaligar avgerðir í málsligum spurningum annars. <o:p></o:p> Hetta kann fáa rættiliga týðandi avleiðingar, um tilmælið frá málstevnunevndini verður fylgt út í æsir. Sambært málálitinum skal ein nýgg rættskrivingarorðabók við reglum um rættskriving og bending nevniliga løggildast av landsstýriskvinnuni. Hartil skulu skúlar og almennir stovnar hava skyldu til at fylgja reglunum í nýggju orðabókini.<o:p></o:p> <o:p> </o:p> Almennan málpolitikk<o:p></o:p> Tilmælini í málálitinum eru øll liðir í, at politiski mynduleikin umsíðir orðar ein almennan málpolitikk. Sambært málálitinum er yvirskipaða endamálið við málpolitikkinum at tryggja føroyskum máli støðu sum fullkomið og samfelagsbært mál á øllum økjum. Tað merkir, at føroyskt eisini í framtíðini skal kunna verða nýtt á øllum økjum í samfelagnum, og at valið skal falla á føroyskt í øllum viðurskiftum, har tað ikki er neyðugt, at fremmandamál verður nýtt.<o:p></o:p> Eisin formaðurin í málnevndini, Jógvan í Lon, hevur víst á, at tørvurin á einum yvirskipaðum málpolitikki gerst alsamt meir átroðkandi, jú størri lut og prestigu eitt nú enskt tykist at fáa í ymsum málhøpum. Tí er alneyðugt, at politikararnir nú melda greitt út, hvat teir ætla at gera fyri at styrkja og menna føroyska málið, so tað kann standa seg í kappingini móti donskum og enskum og lata pengar fylgja við, staðfestir Jógvan í Lon.<o:p></o:p> Tað fáa politikararnir so høvi til nú, ið málálitið loksins er lagt til aðalorðaskifti í løgtinginum næstu dagarnar.<o:p></o:p> <o:p> </o:p> <o:p></o:p> <o:p></o:p> <o:p> </o:p> <o:p> </o:p> <o:p> </o:p>

Fáa nú evsta myndugleika í føroyskum

Mest lisið

Landið letur stuðul til stjórabilar men ikki til avlamisbilar

Sparingarnar hjá Ruth Vang koma ikki upp á tal

Myndir: FSF-fótbóltsskúli

Framdu eitt av aldarinnar brøgdum - FØROYAR ERU Í U21 HM-FJÓRÐINGSFINALUNI

Hans Edward er kokkur umborð á Gadus

U21 HM: Taptu fyri Danmark - Vit møta Slovenia í fjórðingsfinaluni

Russiskar rakettir drupu 11 í Ukraina

HM U-21: Hálvleiksstøðan 20-17 til Danmark

Fiskivinnuroyndir eru í ár umskipaðar í mun til undanfarin

U21 HM: Vinna Føroyar á Danmark møta vit Noregi í fjórðingsfinaluni