Fáa grafiska list fyri limagjald

Í næstum verður nýtt Grafikkfelag sett á stovn, har limir fáa grafisk listaverk afturfyri sítt limagjald

Anna V. Ellingsgaard

28.01.2010 (16:23)

<style type="text/css">  </style>  <o:p></o:p> <o:p> </o:p> <o:p></o:p> <o:p> </o:p> Fyri at stuðla grafiska virkseminum í Føroyum bæði moralskt og fíggjarliga, verður eitt grafikkfelag nú stovnað. Og longu nú tykist áhugin fyri nýggja felagnum at vera rættiliga stórur. Á fyrireikandi fundi mikukvøldið vóru eini 50 fólk savnað, og avgjørt var at hava stovnandi aðalfund 14. februar.<o:p></o:p> Øll, sum hava áhuga at stuðla felagnum kunnu tekna seg sum lim, og tá eru ágóðarnir ikki so fáir. Í uppskotinum til viðtøkur fyri felagið stendur nevniliga, at afturfyri limagjaldið hava limir á hvørjum ári rætt til at velja sær grafikk, ið er framleiddur á Grafiska Verkstaði Føroya í Steinprent, har verkstaðurin heldur til. Eisini kann limagjaldið nýtast sum avsláttur í sambandi við keyp á framsýningunum á Steinprent. Hartil fáa limir eitt prent til gávus av árligu grafikkframsýningini »Myndaódnin«. ;imagjaldið verður ásett á stovnandi aðalfundinum<o:p></o:p> <o:p> </o:p> Fyrimynd<o:p></o:p> Grafiski verkstaður Føroya er kendur kring øll Norðurlond fyri sína høgu prentgóðsku og ikki minst fyri listarligu góðskuna á verkum, sum bæði útlendsk og føroysk listafólk hava framleitt á verkstaðnum. <o:p></o:p> Fyri at tryggja at hetta arbeiðið og høga støðið kann halda fram er neyðugt við bæði moralskum og fíggjarligum stuðli. Tí verður nú farið undir at stovna nýggja grafikkfelagið, sigur Bárður Jákupsson, sum er ein av limunum í fyribilsnevndini hjá felagnum.<o:p></o:p> - Vit eru nøkur, sum fegin vilja tryggja grafiska arbeiðinum her eina góða framtíð, og tí fóru vit undir at fyrireika eitt felag, sigur Bárður Jákupsson og vísir á, at tað sostatt ikki er Steinprent, sum tekur hetta stigið.<o:p></o:p> Eftir hansara tykki er júst Grafiski Verkstaður Føroya dømi um ein sera væleydnaðan føroyskan mentanarstovn. Hesi 10 árini, stovnurin hevur virkað, hevur hann livað upp til vóninar, sum stigtakararnir høvdu til altjóða samstarv. Bárður Jákupsson vísir á, at verkstaðurin er heilt serstakur á tann hátt, at hann er ein av teimum heilt fáu í Norðurlondum, sum í dag kunnu bjóða listafólkum rættilig steinprent á litografiskum steinum. Í dag nýta flestu onnur verkstøð av slíkum slag nevniliga aðra tøkni, sum er "lættari" at handfara. At arbeiða á rættiligum litografiskum steinum er hinvegin nakað serligt, sum professionellir grafikarar leggja dent á.<o:p></o:p> <o:p> </o:p> Tryggja støðið<o:p></o:p> - Størsta aktivið hjá Grafiska Verkstaði Føroya er tó litografurin Jan Andersson. Hann er ein kapasitetur, sum er víðagitin um norðurlond, og vit eru sera heppin at hava hann her heima í Føroyum, sigur Bárður Jákupsson.<o:p></o:p> Tað er ikki minst honum fyri at takka, at fleiri kend listafólk hava vitjað og arbeitt á verkstaðnum gjøgnum árini, leggur Bárður Jákupsson afturat. <o:p></o:p> Nú er vónin so at gera verkstaðin enn meir kendan, so uppaftur fleiri útlendsk listafólk fara at leita sær til Føroyar at arbeiða við serligu útgerðini á Steinprent. Mongu góðu føroysku listafólkini, sum regluliga arbeiða á verkstaðnum fáa sum vera man eisini gleði av, at fíggjarligu umstøðurnar hjá stovninum gerast betri.<o:p></o:p> Eisini vóna fyrireikararnir, at nýggj fólk áhaldandi verða sett við og koma í læru, so litografiska virksemið á verkstaðnum verður á eins høgum støði, sum higartil.<o:p></o:p> Í fjør flutti Grafiski verkstaður Føroya í nýggj høli á Skálatrøð 16. Í rúmligu hølunum hava listafólkini fingið munandi betri arbeiðsumstøður og møguleikarnir at sýna fram eru eisini vorðnir nógv betri. Rættiliga nógv fólk vitja á verkstaðnum og um summarið støkka nógv ferðafólk eisini inn á gólvið, sigur Bárður Jákupsson, sum ikki ivast í, at verkstaðurin eisini er vorðin eitt dygdargott mentanartilboð innan føroyska ferðavinnu. <o:p></o:p> <o:p> </o:p> <o:p></o:p> <o:p></o:p> <o:p> </o:p>

Fáa grafiska list fyri limagjald

Mest lisið

Landið letur stuðul til stjórabilar men ikki til avlamisbilar

Myndir: Summarsólstøður í Sandagerði

Eg havi fyrireikað meg at fara úr hesum heimi

Rendi á listaverkið í Eysturoyartunlinum

Sparingarnar hjá Ruth Vang koma ikki upp á tal

VIDEO: Real Madrid vann við 10 monnum (HM fyri felagslið)

Kiev undir umfatandi russiskum dronuálopi

Hans Edward er kokkur umborð á Gadus

Ísrael fær tríggjar deyðar gíslar aftur úr Gaza

Ung og miðlar: Jón Hammer greiðir frá sínum áhuga fyri filmi