Fyri fyrstu ferð síðani fløgan Solo kom út, fer Eyðun Nolsøe at spæla á konsert.
Tað verður í ítróttarhøllini á Hálsi í Havn leygarkvøldið, og saman við Eyðuni fara eisini Frændur at spæla.
Frændur eigur mest seldu fløguna í Føroyum í ár, og teir vitja aftur í Havn nú leygarkvøldið.
Saman við Eyðuni Nolsøe fer vanligi bólkurin hjá honum at spæla, men til tiltakið í Havn verða Kim Hansen og Kaj Johannesen eisini við sum gestatónleikarar.
