TRÝST á PÍLIN undir MYNDINI, og hoyr samrøðuna Rás2 hevði við høvuðsvenjaran hjá Skála, Paula Poulsen aftaná 0-1 tapið hjá Skála ímóti HB á ovara vølli í Gundadali í Havn fyrr í dag.
Pauli Poulsen harmast tað, sum hann heldur verða eitt vánaligt avrik í fyrra hálvleiki, har HB eftir hansara tykki var nógv tað betra liðið, og fekk málið, sum var avgerandi munurin millum liðini, tá samanum kom.
Tað sá væl betri út hjá Skála í seinna hálvleiki, har teir komu til góðar málmøguleikar, og eisini fingu mál kolldømt. Pauli Poulsen staðfestir tó, at Skála var væl verri í fyrra hálvleiki, enn HB var í seinna hálvleiki.
Nú gera teir á Skála klárt til at taka ímóti TB, har Skála við einum sigri kann leggja veruligan sjógv millum seg og liðini í tyngra endanum á stigatalvuni.
