– Eg skilji einki av hesum

Ætlaða fiskivinnukolveltingin - Sigi sum sørvingurin á sinni: Eg skilji einki av hesum.

Fyri kortum kom frágreiðingin um alivinnuna frá landsstýrinum í Løgtingið. Nú er lógaruppskot sent til hoyringar um fiskivinnuna frá sama landsstýri.

 

Øgiligur munur á uppfatan hjá landsstýrinum um hesar báðar vinnur.

 

12 ára loyvi til alivinnuna er fantastisk, heldur landsstýrið; meðan 12 ára loyvi til fiskivinnuna er ræðuligt.

 

Stórir aktørar í alivinnuni er fantastiskt, sigur landsstýrið; men stórir aktørar í fiskivinnuni er ræðuligt og má týnast beinanvegin.  

 

Útlendskir eigarar í alivinnuni er fantastiskt, meðan útlendskur kapitalur í fiskivinnuni er ræðuligur.

 

Útlendskur kapitalur skal út úr fiskivinnufyritøkum, men fiskurin skal nú kunna landast uttanlanda til útlendingar at virka.

 

Sigi sum sørvingurin á sinni, tá heldur ivasom íløga varð gjørd. “Gott eg eri býttur, eg skilji einki av hesum.” Men árini góðu honum rætt.

 

Undir tryggum kørmum er okkara alivinna fremst í heiminum, men tað vil landsstýrið ikki at fiskivinnan skal. Eg skilji einki.

 

Jørgen Niclasen, tingmaður fyri Fólkaflokkin.