Føroyingauppgerð var í næstbestu donsku hondbóltsdeildini hjá monnum í dag.
Í høllini á Frederiksberg tóku Leivur Mortensen, Janus Dam Djurhuus, Jónas G. Djurhuus og liðfelagarnir í HC Keypmannahavn móti Kjartani Johansen og hansara liðfeløgum í Vendsyssel.
Dysturin endaði við stórsigri 31-21 til Vendsyssel, ið var á odda við átta málum, 16-8 í steðginum.
Kjartan var toppskjútti hjá Vendsyssel við sjey málum. Jónas skoraði trý mál, Janus skoraði tvey mál og Leivur skoraði eitt mál fyri HC Keypmannahavn.
Vendsyssel, ið hevur vunnið fýra dystir á rað nú er fjórðfremst í deildini við 10 stigum. HC Keypmannahavn er næstaftast við bert tveimum stigum.
Í bestu deildini vunnu Jóhan á Plógv Hansen og liðfelagarnir í Skanderborg-Århus á heimavølli 33-28 (17-14) á TMS Ringsted.
Jóhan var við seks málum næstbesti málskjúttin hjá Skanderborg-Århus.
Skanderborg-Århus er triðfremst í deildini við 12 stigum. Aalborg er fremst í deildini við 16 stigum.
