Seinnapartin hevur Helena Dam á Neystabø, landsstýriskvinna í mentamálum, handað Ebbu Hentze mentanarvirðisløn landsins og Martini Tórgarð heiðursgávu landsins Á samkomu í Norðurlandahúsinum seinnapartin handaði Helena Dam á Neystabø, landsstýriskvinna í mentamálum, Ebbu Hentze, mentanarvirðisløn landsins, og Martini Tórgarð heiðursgávu landsins.
Ebba Hentxe fekk handaða mentanarvirðislønina fyri sítt stóra og ótroyttiliga arbeiði at umseta føroyskar bókmentir til útlendsk mál, og Martin Tórgarð fekk handaða heiðursgávuna fyri sítt ótroyttiliga arbeiði at varðveita og menna føroyska dansin.
Mentanarvirðisløn landsins er 150 túsund krónur, og heiðursgáva landsins er 75 túsund krónur.
Carl Johan Jensen flutti fagnaðarkvøðu fram fyri Ebbu Hentzu, og Jónleif Johannesen flutti fagnaðarkvøðu fram fyri Martini Tórgarð.
