Herfyri vóru granskarar frá Havstovuni í Grønlandi á fundi um felags gransking í æti og fiski í útnyrðingspartinum av Atlantshavinum.
Fundurin var saman við granskarum úr Grønlandi og Danmark.
- Umframt kanningar á føroyska landgrunninum, verður samstarvað um kanningar av makreli, reyðæti, sum er føði hjá makreli, og havfrøði í havøkinum úr Føroyum og vestur í Irmingarhavið.
Havstovan veit at siga, at áhugaverdar framløgur og kjak vóru um m.a. broytingar í útbreiðslu og atburði hjá makreli, æti og havfrøði í hesum stóra havøki.
- Úrslit vórðu samanborin, og kjakast varð um, hvussu vistskipanin hongur saman.
Tað er danska stjórnin, sum hevur fíggjað granskingarsamstarvið við 10 miljónum krónum.
- Samstarvið byrjaði í 2013 og endar í 2016, sigur Havstovan.
