Vit eru longur burtur enn nakrantíð frá málinum um at skerja útlátið 20 prosent
Útlátið a vakstrarhúsgassi í Føroyum økist alsamt - og nú er tað størri enn nakrantíð.
Tað eru tey døpru tølini í eini uppgerð frá Umhvørvisstovuni um útálið av vakstrarhúsgassum í Føroyum.
Annars hevur Løgtingið samtykt, at í 2020, tað er næsta ár, skuldi útlátið vera 20 prosent minni enn tað var í 2005. Men uppgerðin vísir, at vit eru heilt langt frá at røkka málinum. Samstundis vísa tølini, at tað gongur bara tann skeiva vegi og í dag eru við longri burtur frá málinum enn nakrantíð.
##med2##
Myndin vísir, hvussu gongdin hevur verið í útlátinum í ymiskum bólkum frá 1990 til 2018.
Í 2018 var útlátið tilsamans var 905.000 tons í CO2 eindum, og tað eru góð fimm prosent meiri enn í 2017.
Tað mesta av vøkstrinum, ella 2,9 prosent, er F-gass, sum fyri stóran part eru kølievni, sum verða brúkt umborð á skipum. Hinvegin stavar 1,2 prosent av vøkstrinum frá øktari nýtsla av olju til streym.
CO2 útlátið frá føroyskum fiskiskipum var mest sum tað sama í fjør sum í 2017.
Oljusøla til útlendsk fiskiskip verður ikki tald við tá gjørt verður upp, hvussu gongur at náa málunum. Olja, sum føroysk skip bunkra uttanlanda, er heldur ikki við.
##med3##
Hendan talvan vísir, hvussu tað gongur at røkka málinum um at í 2030 skuldi útlátið verða 20 prosent minni enn tað var í 2005
Men verður oljusølan til útlendsk fiskiskip tikin við, var útlátið í fjør, 1,2 milliónir tons av CO2 eindum, og tað eru góð 12 prosent meiri enn í 2017.
