Klokkan 17.45 spæla Óli Mittún og liðfelagarnir í GOG seinasta dystin í innleiðandi bólki B í Champions League.
GOG, ið er nummar fimm í bólkinum spælir um at røkka fjórða plássinum, og harvið einum betri lutakasti til Play Off dystirnar.
Um GOG á heimavølli í Svendborg Arena vinnur á kroatiska liðnum, RK Zagreb, og PSG samstundis ikki fær fulla úrtøku móti oddaliðnum og verandi meistarunum, SC Magdeburg, so endar GOG á fjórða plássinum. So tað er nógv hjá Óla og liðfeløgunum at spæla um í kvøld.
GOG hevur eina stóra favorittstøðu hjá altjóða veddingarfyritøkum undan dystinum móti RK Zagreb.
Hondbóltsáhugaðir føroyingar kunnu síggja dystin á TV3 Max, ella á stroymingini hjá Viaplay.
