Tað almenna úrslitið av valinum í Egyptalandi mánadagin og í gjár er ikki komið enn, men tað er longu greitt, at Muslimski Bróðurskapurin gjørdist sum væntað tann størsti flokkurin við umleið 40 prosentum av atkvøðunum.
Tað er heldur meiri, enn meiningakanningar høvdu víst, og summir eygleiðarar siga, at ófriðurin í Kairo teir seinastu dagarnar hevur gagnað bróðurskapinum.
Egyptiska tjóðartingsvalið er í trimum umførum, og forsetavalið verður í seinasta lagi í juni næsta ár.
