Millum annað skipar skúlin fyri ymiskum innan- og uttandura spølum. Ein av døgunum verður farið niðan í svimjihøllina í Gundadali og seinasta dagin verður ein stór kapping og hugnaløta. Tó fer størsti partur av tíðini til badminton.
Fyriskipararnir siga, at øll børn í Føroyum millum 7 og 15 ár eru sera vælkomin at luttaka. Eitt lið er í løtuni í Havn, men eisini aðrastaðni, til dømis í Vestmanna og Fuglafirði eru badmintonlið.
Badmintonhøllin í Klaksvík verður skjótt liðug, og tað hevði verið stuttligt at sæð børn haðani, sigur Tobias Effersøe.
Badmintonskúlin verður í Badmintonhøllini í Gundadali í Havn, og kostnaðurin fyri alla vikuna er 200 kr. Venjarnir verða Marjun Niclasen og Tobias Effersøe. Afturat sær hava tey bæði tveir hjálpavenjarar.
Fólk, sum eru áhugað í at melda seg til ella sum ynskja nærri upplýsingar, kunnu fara inn á heimasíðuna www.bsf.fo ella kunnu tey seta seg í samband við Tobias Effersøe á teldupost: t@effersoe.dk ella á tlf. 522350. Seinasta freist at melda seg til badmintonskúlan er hósdagin 28. juni.
