Hvar verða jólini hildin í ár?
- Jólini verða - eins og undanfarin ár - hildin heima hjá foreldrunum í Streymnesi.
Tað sigur Eyðstein Zachariasen.
Hvat verður etið um jólini?
- Jólaaftan fáa vit altíð dunnu, 1. jóladag er tað vanliga fleskasteik - og so gott ræst kjøt 2. jóladag.
Hevur tú eitt jólaynski?
- Mítt størsta jólaynski er - eins og øll undanfarin ár - at familjan er samlað á jólum og hevur tað gott. At vit njóta friðin og nærveruna, og at øll hava tað gott.
##med2##
Hvønn týdning hava jólini fyri teg?
- Jólini hava stóran týdning fyri meg. Bæði tí, at vit verða mint á tey kristligu virðini, og at Jesus varð føddur.
Eyðstein Zachariasen sigur, at tað er altíð ein ávísur friður yvir jólunum.
- Hetta er ein friður, ið vit ikki so væl duga at geva okkum stundir til aðrar tíðir á árinum, leggur hann aftrat.
(Fleiri svar eru í VikuskiftisSosialinum - jólablaðnum - sum fæst til keyps í blaðsølunum)
