Bilar
Magnus Gunnarsson
Vit hava øll hoyrt og sæð lýsingar í fjølmiðlunum um at bilasølan hjá Meinhardt Arge hevur tilboð við Opel Astra ella Vectra bilum við aircondition til sera lágar prísir.
Søgur ganga um, at hesir bilar eru sendir hendan vegin, tí teir ikki lúka EU krøvini um umhvørvisdálking.
EURO 4 góðkendir
Heðin Weihe, verkførari hjá P/F Meinhardt Arge, sigur, at onki hald er í hesum søgum. Bilarnir hava teir nýggjastu ECOTEC motorarnar sum eru EURO 4 góðkendir. Tað vil siga at teir lúka tey strongu umhvørviskrøvini sum koma í gildi í 2006. Opel hava enntá gingið á odda við umhvørvisligum motorum.
