Í kvøld leiktu Tróndur Mikkelsen og liðfelagarnir í HF Karlskrona dyst á heimavølli í bestu svensku hondbóltsdeildini.
Dysturin var móti botnliðnum, VästeråsIrsta HF, og vóru Tróndur og liðfelagarnir greiðir favorittar undan dystinum.
Men dysturin í Brinova Arena høllini endaði við javnleiki 28-28, ið er eitt stórt vónbrot hjá Karlskrona. Í steðginum var Karlskrona á odda við tveimum málum, 15-13.
Tróndur var við fýra málum toppskjútti hjá Karlskrona saman við Emil Hansson. Tróndur legði eisini upp til tvey mál (assist).
Karlskrona er nummar átta í deildini við átta stigum fyri átta dystir.
Komandi týskvøld klokkan 19.45 bíðar stór uppgáva hjá Karlskrona á heimavølli. Tá skal Karlskrona spæla dyst móti týska liðnum, Melsungen í bólki E í EHF European League.
