Eftir tveimum árum kunnu ferðafólk nú aftur fara til Avstralia at ferðast. Hetta verður galdandi frá 21. februar at rokna.
Avstralia hevur havt millum heimsins strangastu avmarkingar í koronu-tíðini.
Treytirnar fyri at sleppa inn í landið sum ferðafólk eftir hin 21. februar eru, at fólk skulu hava fingið tvær koppsetingar.
- Hetta eru reglurnar, og vit vænta, at øll, sum koma til landið, fara at fylgja reglunum, sigur avstralski forsætisráðharrin, Scott Morrison.
Innanríkisráðharrin í landinum, Karen Andrews, sigur, at fólk, sum ikki eru koppsett, noyðast at søkja um undantak fyri at sleppa til Avstralia.
- Síðan noyðast tey í sóttarhald, um tey yvirhøvur fáa loyvi at sleppa til landið, leggur uttanríkisráðharrin aftrat.
Avstralia hevur undir stórum pørtum av koronu-farsóttini verið fullkomiliga stongt.
Men, seinastu mánaðirnar hava ríkisborgarar og fólk við permanentum uppihaldsloyvi kunna ferðast frítt inn og út úr landinum.
Í eina tíð hevur sama verið galdandi fyri altjóða studentar og fólk við serligum arbeiðsloyvi, ið eru koppsett móti covid-19.
