Í fjør avgreiddi Leigunevndin 26 mál um ósemjur ímillum tey, sum leiga og tey, sum leiga út.
Tað sigur nevndin í ársfrágreiðing síni fyri 2012.
Tað eru fimm mál fleiri enn í 2011.
Annars hevur Leigunevndin fýra kærumál gangandi, sum ikki eru avgreidd enn.
Leigunevndin sigur, at nógv tey flestu kærumálini snúgva seg um, at leigari fær ikki depositum aftur frá útleigara.
- Slík mál taka ofta drúgva tíð at viðgera, tí ofta er neyðugt at hoyra partarnar í fleiri umførum, og tað setur leigaran í eina sera keðiliga støðu, um so er, at hann skal nýta depositum til annan bústað.
Men nú skuldi hesin trupulleikin verið loystur, tí í vár samtykti Løgtingið eina lóg, sum í størri mun tryggjar, at leigarar afturrindað inngoldið depositum.
Tað verður gjørt við at nú skal depositum rindast inn á eina serliga kontu í peningastovni, eina deponeringskontu, og ikki inn á kontu hjá útleigara.
Depositum er ikki peningur hjá útleigaranum og tí skal tað nú rindast inn á eina serliga kontu og ikki inn á kontu hjá útleigara.
Leigunevndin sigur, at ú?tleigari kann í mesta lagi krevja depositum, sum svarar til leigu í tríggjar mánaðir.
