Wrexham vann um vikuskiftið 2-0 á Newport Co AFC í fimtbestu deildini í Onglandi. Adrian Cieslewicz legði Wrexham á odda aftaná 22 minuttir. Adrian bleiv skiftur út eitt korter fyri tíð. Stutt seinni kom 2-0 málið, sum avgjørdi dystin.
Wrexham hevur 11 stig eftir seks umfør og liggur á sjeynda plássi. Tað eru fýra stig upp til fyrsta plássið. Wrexham flutti í fjør niður úr League Two.
