Skeið í málningalist hevur verið á Vága Listastovu. Tað var Birgit Kirke sum undirvísti.
- Vit vóru og vitjaðu á listastovuni, og her var sera positivt at koma innar. Har vóru luttakarar úr oynni, og eisini høvdu luttakarar aðrastaðni frá leitað sær vestur.
Taå sigur Vága kommuna á síni heimasíðu.
Lagt verður aftrat, at umleið 15 listafólk eru knýtt at listastovuni.
- Har er kvøldskúlaundirvísing, umframt at fólk møtast dagliga til at mála. Umstøðurnar á Listastovuni eru góðar, har er rúmligt og ljóst.
Listastovan heldur til, har spælistovan hjá dagrøktarskipanini í Miðvági helt til.
