Russiski trolarin, Ros, sum hevur ligið á Kollafirði í áravís, sleit í ódnini í gjár og rak á land í Signabø.
Brimil kom á staðið, men tað var so nógvur vindur, at tað gjørdust ikki nógv.
Men síðani hevur Brimil sett á trolaran og hevur sleipað hann aftur á Kollfjørð, har hann nú aftur liggur bundin.
Ros er partur í einum trotabúgvi, sum tað er ringt at fáa høvur ella hala á og avleiðingin er, at hann hevur ligið á Kollafirði í fleiri ár.
Men tað er løgreglan, sum onkusvegna hevur ábyrgdina av honum og løgreglan sigur í morgun, at tey nú eru farin at kanna møguleikarnar fyri at sleppa av við bátin og at fáa hann úr Føroyum.
Men málið er fløkjasligt og løgreglan hevur í dag onga hóming av, hvør loysnin verður.
Myndina tók Birgir Waag Høgnesen.
|
