Í HM-endaspælinum í hondbólti hjá kvinnum eru eisini tvey lið í innleiðandi bólki G, ið longu eru klár til ovara endaspælið.
Svøríki vann ein knúsandi 46-17 (25-9) stórsigur á Kuba.
Clara Lerby var við 11 málum stórskjútti hjá Svøríki, og Tyra Axnér skoraði átta mál. Toppskjútti hjá Kuba var Lorena Tellez við fimm málum.
Í sama bólki vann Brasil greitt 28-22 á Kekkia. Tað vóru annars tær kekkisku, ið vóru á odda 15-12 í steðginum, men í seinna hálvleiki var Brasil greitt omaná.
Bruna Aparecida Almeida De Paula og Mariane Cristina Oliveira Fernandes vóru við sjey málum hvør toppskjúttar hjá Brasil. Toppskjútti hjá Kekkia við fimm málum var Kamila Kordovska.
Svøríki og Brasil hava fýra stig hvør. Kekkia og Kuba hava einki stig.
Bólkur G, Stuttgart, Týskland:
27. november:
Brasil – Kuba 41-20
Svøríki – Kekkia 31-23
29. november:
Brasil – Kekkia 28-22
Kuba – Svøríki 17-46
1. desember:
Kekkia – Kuba, kl. 17.
Svøríki – Brasil, kl. 19.30.
