Í bólki B í HM-endaspælinum í hondbólti hjá kvinnum eru tað eisini tvey lið, ið hava fýra stig aftaná tvey umfør, og hava longu vunnið seg víðari til ovara endaspælið. Talan er um Ungarn og Sveis.
Ungarn vann ein 47-13 (27-7) risasigur á Iran.
Toppskjúttar hjá Ungarn vóru Greta Marton við níggju málum, og Julia Harsfalvi við sjey málum. Toppskjúttar hjá Iran við trimum málum hvør vóru Aseman Badvi og Haniyeh Karimi við trimum málum hvør.
Í sama bólki vann Sveis ein tepran 25-24 sigur á Senegal. Í steðginum var Sveis á odda 14-13.
Era Baumann og Mia Emmenegger vóru við seks málum hvør toppskjúttar hjá Sveis. Raissa Dapina við fimm málum, og Gnonsiane Niombla við fýra málum vóru toppskjúttar hjá Senegal.
Ungarn og Sveis hava fýra stig hvør. Senegal og Iran hava einki stig.
Bólkur B, ‘s-Hertogenbosch, Niðurlond:
27. november:
Sveis – Iran 34-9
Ungarn – Senegal 26-17
29. november:
Sveis – Senegal 25-24
Iran – Ungarn 13-47
1. desember:
Senegal – Iran, kl. 17.
Ungarn – Sveis, kl. 19.30.
