Triðju ferð á rað kundu Pætur Mikkjalsson, Pauli Mittún og liðfelagar teirra í Team Sydhavsøerne fara av vøllinum sum sigursharrar í næstbestu donsku hondbóltsdeildini.
Leygardagin vunnu suðuroyggjamenn á heimavølli tepran 37-36 sigur á Norddjurs. Dines Kjeldgaard skoraði sigursmálið 23 sekund undan dystarloki.
Pauli var við átta málum næstbesti málskjúttin hjá Team Sydhavsøerne saman við Dines Kjeldgaard. Pætur skoraði fýra mál.
Suðuroyggjamenn eru næstfremst í deildini við 20 stigum. Teir eru trý stig aftanfyri oddaliðið, Skive sum hevur 23 stig.
Komandi fríggjakvøld hevur Team Sydhavsøerne aftur dyst á heimavølli. Hesaferð verður tað Midtjylland, ið kemur á vitjan.
