Gunnar Vatnhamar spældi allan dystin tá hann og liðfelagarnir í Víkingi Reykjavík vunnu seg trygt víðari til fjórðingsfinalurnar í íslendsku steypakappingini.
Víkingur vann 4-1 á Grindavík, ið spælir í næstbestu deildini. Í steðginum var Víkingur á odda 1-0.
Grindavík-Víkingur Reykjavík 1-4 (0-1)
0-1 Danijel Dejan Djuric '30
0-2 Erlingur Agnarsson '53
Josip Krznaric '65 1-2
1-3 Valdimar Þór Ingimundarson '88
1-4 Viktor Örlygur Andrason '90
Fjórðingsfinalurnar vera leiktar mikukvøldið 12. juni. Víkingur er verandi steypavinnari.
2. hvítusunnudag, mánadagin 20. mai spælir Víkingur dyst í bestu deildini á útivølli móti Vestri á Ísafirði.
Vestri er annað felagið, ið saman við Hörði lat føroysku liðunum Ísafjarðarbikarið og Ísafjarðarsúluna at kappast um, árini 1955-1988.
