Fyri fyrstu ferð síðani ár 2000 verður norska kvinnulandsliðið í hondbólti ikki á sigursskamlinum aftaná eitt EM-endaspæl.
Noreg sum hevur vunnið EM í hondbólti síðani 1998 endaði uttanfyri hálvfinaluplássini, tá Niðurlond í dag vunnu 27-21 (14-10) á Týsklandi. Noreg hevur líka nógv stig sum Rumenia, ið er nummar tvey í millumbólki B, men Rumenia vann innanhýsis dystin, og tí endar Noreg nummar trý í bólkinum.
Niðurlond møta vertstjóðini, Fraklandi í hálvfinaluni. Í hinari hálvfinaluni møtast Russland og Rumenia. Dysturin Russland-Rumenia byrjar fríggjadagin klokkan 17.30. Dysturin Niðurlond-Frakland byrjar klokkan 21.
Noreg skal spæla dyst fríggjadagin klokkan 14 ímóti Svøríki, har norðurlendsku grannarnir kappast um fimta plássið.
Finalan verður spæld sunnudagin klokkan 17.30.
TRÝST á PÍLIN á MYNDINI, og síggj Estovanu Polman hjá Niðurlondum skora eitt sera vakurt mál ímóti Týsklandi fyrr í kvøld.
Seinastu úrslitini í millumspælinum:
Bólkur A:
Svøríki-Russland 39-30 (21-13)
Serbia-Frakland 28-38 (14-20)
Danmark-Montenegro 24-23 (9-12)
1. Russland 8 stig
2. Frakland 7 stig
---------------------
3. Svøríki 5 stig
4. Danmark 4 stig
5. Montenegro 4 stig
6. Serbia 2 stig
Bólkur B:
Spania-Noreg 26-33 (9-15)
Ungarn-Rumenia 31-29 (14-12)
Niðurlond-Týskland 27-21 (14-10)
1. Niðurlond 8 stig
2. Rumenia 6 stig
----------------------
3. Noreg 6 stig
4. Ungarn 6 stig
5. Týskland 4 stig
6. Spania 0 stig
