Føroyska kvinnulandsliðið vann í gjár 8-0 á Andorra í EM undan undankappingini, sum verður spæld á Malta í hesum døgum. Rannvá B. Andreasen skoraði fýra mál, Heidi Sevdal tvey, meðan Lív F. Arge og Fríðrun Danielsen skoraðu eitt í part.
Trýst á pílin á myndini fyri at síggja samandráttin (Um tú ert á appini, so trýst HER)
Føriyska liðið tapti fyrsta dystin í bólkaspælinum móti Georgia. Fjórða liðið í bólkinum, Malta, vann í øðrum umfari á júst Georgia, so Føroyar hava enn møguleikan at koma víðari.
Les eisini: Føroyar hava enn møguleikan
Føroyar skal nú vinna á Malta, sum liggur á odda í bólkinum, samstudis sum Georgia ikki skal vinna við fleiri enn seks málum á Andorra í seinasta dystinum.
Støðan í bólkinum
1. Malta 2 dystir 7-4 6 stig
2. Føroyar 2 dystir 8-2 3 stig
3. Georgia 2 dystir 3-2 3 stig
4. Andorra 2 dystir 3-13 0 stig
