Stendur Sørin S. Djurhuus próvtøkuna, verður hann bert fimti instruktør-instruktørurin í ríkinum.
Instruktør royndir verða í dag, í morgin og sunnudagin, og tað er Svimjisambandið, ið skipar fyri.
Í dag eru tað fimm persónar, ið skulu upp til skrivliga roynd, og í morgin eru tað seks av teimum, sum tóku instruktør royndina fyri trimum árum síðani, ið skulu upp aftur til endurroynd.
- Prógvini hava bara virkan í trý ár, og tí mugu tey, sum hava tikið instruktør royndina, endurnýggja prógvið triða hvørt ár, sigur Sørin S. Djurhuus, sum er brunaumsjónarmaður hjá Eysturkommunu.
Sunnudagin skulu nakrar nýggjar royndir gerast, og hann sigur, at ikki fyrr enn tá fær hann at vita, um hann hevur staðið royndina.
- Tað verður seint sunnukvøldið at eg fái at vita, um eg havi staðið royndina ella ikki. Og havi eg staðið royndina, verði eg tann bert triði í øllumm ríkinum, sum kann kalla meg instruktør-instruktør, sigur Sørin S. Djurhuus.
