Seinast samdøgrið hjá løgregluni hevur verið merkt av, at nógv fólk hava verið í býnum, nógv hava verið full, og í fleiri førum hava boð verið eftir sjúkrabili at koma eftir fullum fólki, sum eru komin illa fyri, sigur vaktleiðarin á politistøðini.
Tey hava eisini sent sjúkrabilar nakrar ferðir til Norðfestivalin á Viðareiði eftir fólki, sum vóru komin illa fyri har. Vaktleiðarin sigur, at samarittarnir, sum eisini vóru á Norðfestivalinum, gjørdu sum altíð eitt stórt arbeiði, sum lættir sera nógv um hjá løgregluni.
Ein persónur hevur gist í brummuni í nátt. Vaktleiðarin sigur, at tað var ein persónur, sum tey mettu ikki megnaði at ansa sær sjálvum.
Løgreglan hevur eisini gjørt ferðmátingar seinasta samdøgrið, og har fingu tríggir bilførarar bót í Kaldbaksbotni um middagsleitið, har av ein teirra fekk klipp í koyrikortið. Teir koyrdu ávikavist 92, 96 og 105 km um tíman.
Á nýggja Havnarvegnum fekk ein bilførari bót fyri at koyra ímóti ferðslurætninginum á einum avkoyringarvegi. Har er annars skeltað væl, sigur vaktleiðarin. Men ein valdi, men kortini valdi so ein at fara ímóti ferðsluni.
