?Hvussu verður við eftirløn okkara?? Tað er evnið á einum almennum fundi, sum pensjonistafelagið Hugni skipar fyri í Klaksvík hóskvøldið.
Á hesum fundinum fara fólk úr landsfelagnum hjá pensjonistunum at greiða frá um fólkapensjónina í dag, og hvussu verður vorðið við henni í framtíðini.
Felagið vónar, at nógv fólk fara at møta til fundin. Og tey vóna eisini, at nógv fara at seta fram spurningar, tí høvið verður at seta spurningar til fólkini frá landsfelagnum.
Fundurin hóskvøldið verður í Skálanum í Klaksvík, og hann byrjar kl. 19:30.
