Hóast fyrrverandi enski landsliðsleikarin Emile Heskey fyri nøkrum døgum síðani, luftaði tankan um at gera eitt comeback fyri barndómsfelagið Leicester City í Premier League, so er Leicester City venjarin, Nigel Pearson, tó ikki við uppá hugskotið hjá Heskey.
Les eisini: Heskey vil gera comeback
- Eg eri sannførdur um, at Heskey ikki kemur at styrkja um hópin hjá okkum, og tí ynskja vit ikki at gera sáttmála við Emile Heskey, ið annars er høgt í metum í felagnum.
Tað var í Leicester City, at Emile Heskey av álvara fekk sítt gjøgnumbrot í enskum fótbólti. Emile Heskey spældi við Leicester City frá 1987 til ár 2000, tá hann varð seldur víðari til stórfelagið Liverpool.
