Sjálvt um Jes Lunde hjá teimum Radikalu sá út sum nýggjur borgarstjóri í Aalborg, so kann Lasse Frimand Jensen úr Javnaðarflokkinum nú halda fram sum borgarstjóri í kommununi.
Tað segði hann í kvøld á tíðindafundi sambært Nordjyske og TV 2 Nord.
Nýggja støðan er íkomin, eftir at Vibeke Gamst úr Konservativa flokkinum segði seg úr avtaluni við hini í egna flokki sínum, hinum bláu flokkunum og teimum Radikalu.
Hon stuðlar nú ístaðin Lasse Frimand Jensen saman við SF og Eindarlistanum.
- Vit deila nógv sama politikk sum Vibeke, og hvat hon stendur fyri, ikki minst sum ein persónur við sømleika, ábyrgd og virðing, sigur borgarstjórin sambært TV 2 Nord.
Á tíðindafundinum sigur Vibeke Gamst, at hon kann vænta sær at vera koyrd úr Konservativa flokkinum sambært Nordjyske. TV 2 hevur fingið at vita, at tey konservativu í Aalborg hava innstilla Vibeke Gamst til útkoyring.
Vibeke Gamst er ein av trimum nývaldum politikarum fyri tey Konservativu í Aalborg. Hon hevur sitið í býráðnum fyri tey konservativu í meira enn 20 ár.
Av tí at tað bert smalur meiriluti var aftan fyri nýggja radikala borgarstjóran, má borgarstjóraembætið verða verandi á sosialdemokratiskum hondum.
TV 2 fær at vita, at Vibeke Gamst er ónøgd við, at floksfelagar hennara vildu gera Jes Lunde til borgarstjóra í Aalborg.
- Tað eru heilt einfalt mørk fyri, hvussu nógv óreglusemi man kann fremja, sigur hon við fjølmiðlarnar.
Tað hevur áður ljóðað, at Jes Lunde longu valkvøldið fekk bjóðað borgarstjórasessin av borgarligu flokkunum.
Aalborg hevur verið roknað sum ein javnaðarháborg, har flokkurin hevur sitið við valdinum seinastu 100 árini.
Javnaðarflokkurin gjørdist eisini størsti flokkur á valinum týsdagin í Norðurjútsku kommununi.
Flokkurin fekk 32,2 prosent av atkvøðunum.
##med2##
Lasse Frimand Jensen gjørdist borgarstjóri í 2023 - við øðrum orðum mitt í valskeiðinum - eftir at táverandi borgarstjórin Thomas Kastrup-Larsen legði frá sær fyrr enn væntað.
Hann er sonur fyrrverandi borgarstjóran í Keypmannahavnar kommunu Frank Jensen.
Stjórnarskipanarsáttmáli er ikki bindandi, fyrr enn stýrisskipanarbýráðsfundur hevur verið av nývaldu kommunustýrunum og býráðunum.
Í Aalborg er hesin skipanarfundur 3. desember.
/Ritzau/
