Hesa tíðina fáa útróðrarbátarnir og aðrir bátar væl av toski, men sum vanligt er, kemur minni burtur úr fíggjarliga, tí virkini fáa minni burtur úr fiskinum í gýtingartíðini.
Hetta sæst eisini á prísinum á Fiskamarknaðinum. Mánadagin fór toskur III fyri 12,51 krónur í meðal, og í gjár var prísurin komin niður á 11,57 krónur fyri kilo.
Ørvísið er við hýsuni, men tað er heldur ikki so nógv av hýsu á uppboðnum hesa tíðina. Til samanberingar kann tó nevnast, at mánadagin var meðalprísurin á hýsu III 18,30 krónur og í gjár 17,87 krónur.
Eitt, sum eisini lýsir støðuna, er, at í gjár fingu tann størsti toskurin og tann minsta hýsan sama meðalpris.
