Felagsliðið skal vinna dystin móti Kyndli í kvøld, um tær skulu hava nakran møguleika at vinna sær pláss í FM finaluni.
Ein dystur verður í fremstu deild hjá kvinnum í kvøld. Í høllini á Hálsi tekur Kyndil móti VÍF/Tjaldur. Kyndil hevur 16 stig á øðrum plássi, meðan VÍF/Tjaldur hevur tíggju stig á triðja plássi. VÍF/Tjaldur hevur spælt ein dyst færri.
Hetta er tí ein gyltur møguleiki hjá nýggjan venjaranum, Jan Ottosen, og hansara kvinnum, at leggja trýst á Kyndil. Havnarliðið hevur fingið tilgongd av Simonu Petersen frá Stjørnuni, men hon verður ikki tøk fyrr enn dystin 3. mars móti Neistanum.
Fyri VÍF/Tjaldur kemur tað illa við, at Annika Poulsen gongur við gipsi á aðari hondini, meðan Adina Petrea ikki hevur spælt í longri tíð.
Fremsta deild kvinnur:
Kyndil VÍF/Tjaldur (18.00) Beinleiðis á Rás2
Støðan:
1. Neistin 26
2. Kyndil 16
3. VÍF/Tjaldur 10
4. VB 10
5. StÍF 9
6. Stjørnan 7
