USA ætlar sær at leggja dent á at loysa kreppuna í Miðeystri, men partarnir standa langt frá hvør øðrum George Mitchell, sum er serligur Miðeystur-sendimaður hjá Barrack Obama, roynir í hesum døgum at fáa glið á royndirnar at fáa enda á kreppuni millum ísraelsmenn og palestinar.
Eygleiðarar í Miðeystri siga, at sjónarmiðini hjá teimum báðum pørtunum eru langt frá hvør øðrum, men á vitjanini á Vestara Áarbakka í dag segði George Mitchell, at ein semja um eitt ísraelskt og eitt palestinskt ríki er tann einasta loysnin.
Saeb Erekat, sum er samráðingarleiðari hjá palestinum, segði, at friðarsamráðingarnar kunnu ikki takast uppaftur, uttan so at Ísrael viðurkennir eitt palestinskt ríki og gevst við búsetingini á Vestara Áarbakka.
