Barack Obama, forseti eigur at tosa við íslendsku stjórnina um at lata amerikonsku herstøðina í Keflavík uppaftur. Síðani skal hann biðja íslendingar góðtaka, at nakrir av fangunum í Guantanamo verða flottir á herstøðina í Keflavík.
USA skal rinda íslendska ríkinum samsýning, og teir pengarnar skulu íslendingar brúka til at rinda Icesave-skuldina.
Uppskotið er úr grein, sum formaðurin í Global Economics, David Hale, skrivar í Financial Times. Hann minnir íslendingar á, at einki land, sum leggur lendi til eina amerikanska herstøð, fer á húsagang.
