Skjótt verður farið at heysta á Sandfløtum Heima á Sandi.
Í gjár fóru starvsfólk á matstovunum Heima I Havn suður til Sands at kunna seg um óføra grønmetið, sum skjótt kemur á marknaðin.
Á ferðini varð vitjað í veltunum, sum bóndagarðurin í Uttastovu í Trøðum eigur, og her fingu gestirnir holla frágreiðing frá hjúnunum, Ottari og Jónhild.
Á middegi hevði Hanna A Reynatúgvu fína grønmetiskjøtsuppu til gestirnar í forvitnisligu vakstrarhøllini, sum nú aftur hevur fingið plast á.
Síðan varð farið til Skúvoyar at vitja, og dagurin endaði við góðum døgurða á Mølini í Skálavík.
Sandoyggin hevur sera nógv at bjóða í ferðavinnuhøpi.
Í ferðalagnum í gjár, har flestu vóru útlendingar, vóru tey hugtikin og bergtikin av Sandoynni og Skúvoynni og blíðu móttøkuni, tey fingu allastaðni.
##med2##
##med3##
##med4##
##med5##
##med6##
