Móti Svøríki og móti Føroyum dugdu iranar væl at spæla leiklutin sum teir undirtippaðu. Í kvøld dugdu teir ikki at vera í leiklutinum sum favorittar.
Iran tapti í kvøld 26-29 fyri Saudiarabia í okkara millumbólki í HM-endaspælinum fyri U19-manslandslið í Kroatia. Í steðginum var Iran á odda 14-10.
Móti Svøríki og Føroyum hendi tað øvugta hjá Iran. Teir vóru aftanfyri í steðginum, men megnaðu at fáa ávikavist sigur og javnleik.
Saudiarabiski sigurin á Iran og føroyski 30-28 (12-10) sigurin á Týsklandi merkir, at øll fýra liðini hava tvey stig hvør.
Føroyar og Saudiarabia spæla klokkan 16 og Týskland og Iran spæla klokkan 18 í morgin.
Føroyar eru í løtuni nummar tvey, og vinna seg víðari í fjórðingsfinalurnar við sigri ella javnleiki í morgin.
##med2##
