Føroyska U17 landsliðið, ið seinastu vikuna hevur luttikið til NM-kapping í Íslandi, spældi í dag seinasta dystin í kappingini. Dysturin var ímóti Norður Írlandi í einum dysti sum Føroyar taptu 3-1 eftir hálvleiksstøðuna 2-0 til Norður Írland. Føroyska málið í dystinum skeyt Elias El Moustage í seinna hálvleiki.
Sostatt gjørdist tað bara til stig í tí eina dysinum hjá tí føroyska liðnum, tá tað í fyrradagin eydnaðist at spæla 0-0 javnleik móti Svøríki. Í øllum hinum dystunum tapti føroyska liðið.
Sigast skal tó, at føroyska liðið menti seg sum kappingin fráleið. Føroyar fekk eina ræðuliga byrjan í fyrsta dystinum, tá Danmark vann heili 8-1 móti Føroyum, men síðani gingu úrslitini støðugt tann rætta vegin.
Úrslitini hjá U17 landsliðnum til NM-kappingina í Íslandi vóru hesi:
Føroyar-Danmark 1-8
Føroyar-Finnland 1-2
Føroyar-Svøríki 0-0
Føroyar-Norður Írland 1-3
Hesir ellivu byrjaðu fyri Føroyar móti Norður Írlandi í dag:
Peter B. Hansen, Petur Ovi H. Dam, Sámal Jákup Jóhannusarson, Regin í Geil Jacobsen, Elias El Moustage, Hanus Sørensen, Símun Sólheim, Leivur F. Guttesen, Pætur Eliasen, Sveinur Lava Olsen, Andrass Johansen.
