Vinnarin av ungarska valinum, Péter Magyar, fer at gera eina røð av broytingum í ungarska miðlalandslagnum.
Hann fer at steðga sendingum á ríkismiðlum, samtykkja nýggja fjølmiðlalóg og seta á stovn nýggjan fjølmiðlamyndugleika. Harumframt sigur hann seg fara at tryggja tíðindafrælsi.
– Allir ungarar hava uppiborið almennar tænastumiðlar, sum vísa sannleikan, segði Magyar mikudagin í almennu útvarpsstøðini Kossuth, sambært tíðindastovuni Reuters.
Magyar og flokkur hansara, Tisza, hava vunnið ein sokallaðan supermeiriluta upp á í minsta lagi tveir triðingar av sessunum í landsins tjóðartingi.
Hetta fer at loyva honum at broyta ungarsku grundlógina.
Við valinum sunnudagin vann Magyar á forsætisráðharranum í Ungarn í 16 ár, Viktor Orbán.
Undir Orbán og flokki hansara, Fidesz, varð funnist at Ungarn fyri at hava eitt miðlalandslag, sum stuðlaði stjórnini í stóran mun.
Pressufrælsisfelagsskapurin Journalistar uttan landamørk (RSF) metti undan valinum, at 80 prosent av miðlunum í Ungarn eru stýrdir av "oligarkum" við tilknýti til fráfarandi stjórnarsamgonguna.
Ríkislýsingapeningur fer í stóran mun til hesar miðlar.
Magyar er fyrrverandi Fidesz-limur og er konservativur á fleiri økjum. Hann stillaði upp fyri at berjist móti korruptión og søkir tættari sambond við ES.
Tisza hevði ikki ein stóran leiklut í ungarskum politikki, fyrr enn Péter Magyar gjørdist partur av tí í 2024 - og stutt eftir gjørdist forseti. Tað gjørdi hann stutt eftir egnan steðg við Fidesz.
Umframt at seta seg ímóti korruptión, hevur flokkurin kravt ábøtur á almennu tænasturnar, serliga á heilsuverkinum. Tað vil hava ein strangan innflytarapolitikk.
Enn er tó nakað av óvissu um gongdina hjá Tisza, tí flokkurin er óroyndur í stjórnini.
Navn hennara er myndað av ungarsku orðunum fyri "virðing" - nevniliga kettel - og "frælsi" - szabadság. Tisza er eisini navnið á eini á, sum rennurí Donau.
/Ritzau/
