Tað riggar bara í kappróðrinum á Tvøroyri og í Fróðbiar Sóknar Róðrarfelag.
Fyrr í dag vann gentubáturin fyri fimtu ferð av fimm, og nú hevur Tvørabáturin vunnið á varmakeldustevnu í Fuglafirði. Hetta var fjórði sigurin á rað hjá Tvørabátinum, sum harvið er stórfavorittur at vinna FM.
Í dag var kappingin størri um sigurin, enn hon hevur verið undanfarnu ferðirnar. Rádni úr Fuglafirði legði sera bragdliga fyri, og Rádni var við í kappingini um fremsta plássið allan 1000 metra teinin. Tvørabáturin var ikki millum teir fremstu í startinum. Hann tók tó skjótt allar hinar, men Rádni var boysin og vildi ikki geva seg.
Í endaspurtinum var tó ein stórur skutur ella lítil hálv bátslongd millum teir báðar fremstu bátarnar.
| 1 | Tvørabáturin | 04:56.10 | ||
| 2 | Rádni | 04:57.12 | ||
| 3 | Jarnbardur | 04:58.19 | ||
| 4 | Páll Fangi | 04:59.05 | ||
| 5 | Hvessingur | 04:59.14 | ||
| 6 | Lómur | 04:59.22 | ||
| 7 | Smyril | 05:01.00 | ||
| 8 | Herningur | 05:05.15 | ||
| 9 | Gongurólvur | 05:22.18 |
| 1 | Tvørabáturin | 34 | ||
| 2 | Rádni | 26 | ||
| 3 | Páll Fangi | 26 | ||
| 4 | Jarnbardur | 20 | ||
| 5 | Lómur | 18 | ||
| 6 | Hvessingur | 10 | ||
| 7 | Herningur | 4 | ||
| 8 | Smyril | 1 | ||
| 9 | Gongurólvur | 1 |
