Tað er øgiliga stutt millum umførini í bestu fótbóltsdeildini. Mikukvøldið var Dalibor Savic fyri síðstu ferð HB venjari, tá ið tað í Gundadali endaði 1-1 millum HB og Víking.
Í dag fara HB og Jákup Martin Joensen, sum er nýggjur venjari, vestur til Sørvágs, og Víkingur fær vitjan av EB/Streymi, sum onkuntíð hevur staðið seg væl í Sarpugerði.
Longu klokkan 14 fer Kári J. á Høvdanum at bríksla fyri fyrstu ferð í Gundadali, har tað verður toppdystur millum B36 og KÍ, sum framvegis hevur fulla úrtøku í landskappingini. KÍ hevur tapt einaferð í ár. Tað var í Gundadali í steypakappingini, tá ið B36 vann 2-0.
Á Argjum verður TB gestur. AB hevur framvegis einki stig vunnið, og TB er á áttanda plássi við fýra stigum.
Saman við AB er B68 undir niðurflytingarstrikuni. Klokkan 17 vera toftamenn í oyggjauppgerð í Fuglafirði ímóti ÍF, sum úr seks teimum fyrstu umførunum hevur vunnið 9 stig ella 6 stig fleiri enn B68, sum enn ikki hevur vunnið fulla úrtøku.
ÍF – B68: Bjarki Danielsen kl. 17.00
Víkingur – EB/Streymur: Eiler Rasmussen kl. 15.00
07 Vestur – HB: Petur Reinert kl. 15.00
B36 – KÍ: Kári J. á Høvdanum kl. 14.00
AB – TB: Jóhan Hendrik Ellefsen kl. 15.00
| KÍ | 6 | 6 | 0 | 0 | 20 | 2 | 18 |
| B36 | 6 | 5 | 0 | 1 | 12 | 5 | 15 |
| HB | 6 | 4 | 2 | 0 | 15 | 3 | 14 |
| ÍF | 6 | 3 | 0 | 3 | 7 | 6 | 9 |
| Víkingur | 6 | 2 | 2 | 2 | 12 | 9 | 8 |
| 07 Vestur | 6 | 2 | 1 | 3 | 8 | 10 | 7 |
| EB/Streymur | 6 | 2 | 1 | 3 | 5 | 7 | 7 |
| TB | 6 | 1 | 1 | 4 | 4 | 18 | 4 |
| B68 | 6 | 0 | 3 | 3 | 5 | 15 | 3 |
| AB | 6 | 0 | 0 | 6 | 1 | 14 | 0 |
