22 umfar í bestu fótbóltsdeildini verður leygardagin. Ofta er leygardagsfótbóltur í bestu deildini, tí landsdystur er í vikuni eftir. Soleiðis er tað ikki hesaferð.
Fyri at fáa kappingina at ganga upp er neyðugt við umfari mitt í viku. Tað verður komandi mikukvøld. Fyri at veita spælarunum ein hvíldardag eyka verður umfarið í vikuskiftinum ikki spælt sunnudagin, men heldur leygardagin.
Tveir dystir eru ásettir at vera klokkan 15. Teir eru HB-Víkingur og Suðringar-NSÍ.
Tveir dystir eru ásettir at vera klokkan 16. Teir eru ÍF-B36 og 07 Vestur-Skála.
Síðsti dysturin er ásettur at vera klokkan 17.30. Tað er KÍ-EB/Streymur.
23. umfar verður mikukvøldið. Tá sær skráin soleiðis út:
Víkingur-KÍ, NSÍ-HB, EB/Streymur-07 Vestur, Skála-ÍF og B36-Suðringar.
Støðan undan 22. umfari
Víkingur 45
KÍ 40
B36 38
NSÍ 36
HB 33
Suðringar 24
Skála 23
EB/Streymur 23
07 Vestur 16
ÍF 9
