Tey møttust fyrstu ferð til venjing 13. september, og tá gøtufólk fara til gudstænastu 20. november sleppa tey at hoyra ungdómskórið á fyrsta sinni.
Síðani er ætlanin at luttaka við eina familjugudstænastu, til eina konsert saman við kórinum Eystanljóð og við eina jólakonsert 18. desember, tá tey ungu syngja jólini inn.
- Vit fara helst eisini at luttaka við onkra gudstænastu um jólini, upplýsir kórleiðarin og urguleikarin við Gøtu kirkju, Símun Hammer.
Í kórinum eru 25 sangarar, bæði gentur og dreingir.
