Bjarni Restorff hevur útsett fyri symfoniorkestur, og verkið kann upplivast á heystkonsert í Mentanarhúsinum í Fuglafirði 24. september og í Norðurlandahúsinum 23. september
Verkið Norska Løva, ið upprunaliga var verk fyri klaver, bleiv skrivað av William Heinesen í 1963.
Bjarni Restorff hevur greitt frá, at hann altíð hevur hildið, at verkið vildi verið sera væl egnað sum størri orkesturverk, tí tá er møguleiki fyri fleiri klangvariantum, skrivar Føroya Symfoniorkestur.
Í 2008 fekk Føroya Symfoniorkestur nýggju útsetingina av verkinum frá Bjarna, og í 2021 kom Norska Løva út sum bók við partituri og stemmum.
Bjarni Restorff er føddur í 1955 og starvast sum tónleikalærari á Tórshavnar Musikkskúla. Eisini hevur hann staðið á odda fyri Tórshavnar Manskóri í mong ár. Bjarni hevur eisini skrivað tónleik til blandað kór og manskór.
##med2##
Í samband við konsertirnar fer Magnus Rasmussen at greiða frá søguna um Norsku Løvu, ið fórst í Lambavík í 1707.
