SVIMJING
Eftir FM kappingina sunnukvøldið, boðaði landsliðsvenjarin, Petur Heðin á Fløtti, frá, at átta svimjarar eru úttiknir til kapping í Íslandi fyrst í juli. Hópurin telur fimm svimjarar úr Havnar Svimjifelag, tveir úr Tvøroyar Svimjifelag og ein úr Fuglafjarðar Svimjifelag.
Svimjararnir úr Havnar Svimjifelag eru Jóannes á Fløttti, Andrass Thomsen, Aksal Holm Norðfoss, Kristoffur Hentze og Elisabeth Rasmussen. Úr Tvøroyrar Svimjifelag eru Benthe Sikivat Andersen og Sheila millum Garðarnar, og Karina Petersen úr Fuglafjarðar Svimjifelag.
Talan er kapping um íslendska meistaraheitið, har gestasvimjarar úr fleiri londum eru boðnir vid. Kappingin fer fram í Laugardali, og svomið verður uttandura í 50 metra hyljum. Kappingin verður um vikuskiftið 5.-7. juli.
