Farnu vikuna hevur Havnar Svimjifelag havt vitjan frá vinarfelagi sínum í Danmark.
Tað eru 30 svimjarar úr Kolding, sum saman við nøkrum leiðarum eru komin at vitja.
Í samband við vitjanina skipaði Havnar Svimjifelag fyri einari lítlari svimjikapping seinasta leygardag.
Úrslitið av kappingini gjørdist, at Havnar Svimjifelag vann 16 kappingar, gjørdist nr. 2 í 7, og nr. 3 í 7 kappingum.
Svimjararnir úr Kolding vunnu 3 kappingar, gjørdust nr. 2 í 12 og nr. 3 í 12 kappingum.
Gestirnir úr Kolding hava verið í Føroyum í eina viku, og herav vitjaðu tey í Klaksvík í tveir dagar.
