Á tingfundinum í dag eru fimm 2. viðgerðir av tingmálum, sum síðani skulu til 3. viðgerð, sum í fyrsta lagi kann vera mikudagin, tá eru »møguligar 3. viðgerðir« á skránni.
Tað stóra málið hesa vikuna er »Uppskot til løgtingslóg um fyrireiking, prosjektering og útboð av Suðuroyartunlinum við tilhoyrandi tunnilskervum og vegakervum«, sum eftir 1. viðgerð skal í nevnd.
Løgtingsfíggjarlógin verður til 2. viðgerð á tingfundi í morgin. Ætlanin er so, at hon skal endaliga samtykkjast til 3. viðgerð á løgtingsfundi hósdagin, sum sambært skránni er seinasta tingfundur í ár.
Dagsskráin til tingfundin í morgun klokkna 10 er hendan:
| 1 | 2. viðgerð LM-018/2025 - Uppskot til løgtingslóg um broyting í løgtingslóg um avgjald á framleiðslu og innflutning (Hægri avgjøld á tubbak og snús – fylgilógaruppskot til FLU 2026) |
| 2 | 2. viðgerð LM-055/2025 - Uppskot til løgtingslóg um broyting í løgtingslóg um toll (Nýtt vørunummar í toll- og vøruskránni til Prima snús) |
| 3 | 2. viðgerð LM-056/2025 - Uppskot til løgtingslóg um broyting í løgtingslóg um veiðigjøld fyri fiskiskap (Veiðigjaldslógin) (Striking av áseting um lægri veiðigjald, tá ið tøka kvotan minkar serliga nógv) |
| 4 | 2. viðgerð LM-060/2025 - Uppskot til løgtingslóg um broyting í løgtingslóg um meirvirðisgjald (Meirvirðisgjaldslógin) (Leingja heimildina at endurrinda meirvirðisgjald í sambandi við bygging og umbygging av ávísum leigubústøðum) |
| 5 | 2. viðgerð LM-058/2025 - Uppskot til løgtingslóg um at umvæla løgtingsbygningin á Tinghúsvegi 3 |
| 6 | 1. viðgerð LM-066/2025 - Uppskot til løgtingslóg um fyrireiking, prosjektering og útboð av Suðuroyartunlinum við tilhoyrandi tunnilskervum og vegakervum |
| 7 | 1. viðgerð LM-067/2025 - Uppskot til løgtingslóg um broyting í løgtingslóg um um samsýning og eftirløn landsstýrismanna v.m. (67 ára pensjónsaldurin hjá landsstýrisfólki eftir gomlu skipanini fylgir fólkapensjónsaldri) |
| 8 | 1. viðgerð LM-068/2025 - Uppskot til løgtingslóg um broyting í løgtingslóg um almannapensjónir o.a. (Áseting av pensjónsaldri) |
| 9 | Framløga |
|
Viðmerkingar | |
