Hetta er fyrstu ferð, at Føroya Symfoniorkestur framførir í ávikavist Lívdini og DR Konserthúsinum. Í 2023 fylti Føroya symfoniorkestur 40 ár og uttanlandatúrurin er endabresturin av eini røð av fagnaðarkonsertum hjá symfoniorkestrinum í samband við føðingardagin.
Føroysk tónaskøld eru á skrá
Frumframførsla verður av verkinum ”Tónar úr innastu tøgnini” eftir Sunleif Rasmussen. Føroyskir sálmar og løg hjá Eivør, har Marjun Syderbø Kjelnes hevur skrivað tekstin. Tróndur Bogason hevur útsett tónleikin hjá Eivør fyri symfoniorkestur.
Eftir steðgin framførir symfoniorkestrið 5. symfoni hjá Tjajkovskij. Symfoniin, ið er í fýra satsum, varð fyrstu ferð framførd í Mariinskij sjónleikarhúsinum í Sankta Pætursborg í 1888. Verkið verður mett, sum eitt av størstu verkunum, sum Tjajkovskij skrivaði.
##med2##
GG! Áhoyraraplássini í Lívdini eru ikki talmerkt, so áhoyrarar verða bidnir at møta í góðari tíð.
Tað verður bert tann eina konsertin í Lívdini!
Atgongumerki til konsertirnar kunnu keypast her:
https://www.drkoncerthuset.dk/kalender/2024/det-faeroeske-symfoniorkester-og-eivoer/
https://www.atgongumerki.fo/2497270/foeroya-symfoniorkestur-og-eivoer-i-livdini
