Eftir átta mánaðir sum høvuðsvenjari hjá Tottenham er Thomas Frank koyrdur úr starvi.
Tað skrivar enska felagið á heimasíðuni.
Uppsøgnin kemur eftir eina røð av skuffandi úrslitum. Týskvøldið tapti Tottenham 1-2 á heimavølli móti Newcastle. Liðið hevur enn ikki vunnið nakran dyst í Premier League í 2026.
– Thomas varð settur í starv í juni 2025, og vit hava verið avgjørd um at geva honum ta tíð og stuðul, sum er neyðugur fyri at byggja framtíðina saman.
– Úrslit og avrik hava tó fingið leiðsluna at koma til ta niðurstøðu, at neyðugt er við broyting hesa tíðina, skrivar felagið.
Tottenham liggur í løtuni á 16. plássi í deildini, har undir leiðslu av Frank hava verið 7 sigrar í 26 dystum og eitt stigmiðaltal uppá 1,12.
Danin varð settur sum nýggjur høvuðsvenjari á sumri 2025 og fekk trý ára sáttmála, men megnaði minni enn átta mánaðir at standa á odda fyri liðnum. Eftir eina góða byrjan í august hava úrslitini verið lakari, og í gjárkvøldið bar av.
Meðan seinastu mánaðirnir hava verið skuffandi í Premier League, so hevur Tottenham eisini staðið seg væl í Champions League. Her er liðið klárt til áttandaparts finaluna.
– Gjøgnum alla sína tíð í felagnum hevur Thomas stuðlað við ótroyttiligum engagementi og givið alt í royndunum at leiða felagið framá, skrivar Tottenham.
Tvørtur um kappingar megnaði Thomas Frank 38 dystir við róðrið í Tottenham. Hetta førdi til 13 sigrar, 10 javnleikir og 15 ósigrar.
Tottenham keypti danan leysan frá Brentford, har hann við góðum úrsliti stóð á odda fyri uppflyting til Premier League og síðani raðfesti Brentford í fremstu ensku deildini.
Thomas Frank hevur áður verið høvuðsvenjari hjá Brøndby og danskur ungdómslandsliðsvenjari. Hetta er fyrstu ferð, at hann verður uppsagdur í síni venjarayrki.
Tottenham hevur ikki kunngjørt, hvør tekur við høvuðsvenjarastarvinum.
/Ritzau/
