Eitt avgerandi átak fyri at fáa fólk at flyta heimaftur til Føroya er at skapa ein góðan og fjølbroyttan bústaðarmarknað. Tí skulu millum 500 og 700 leigubústaðir byggjast næstu 7-5 árini.
Tað er eitt av tilmælunum í nýggju heildarætlanini um fólkaflyting og fólkavøkstur.
Bústaðir (gamli Húsalánsgrunnurin) skal standa fyri ætlanini, sum tó er treytað av at lógarbroytingin um mvg-frítøku av leigubústaðum verður framd í verki.
- Vit rokna við, at tær fyrstu 100 leiguíbúðirnar kunnu standa klárar um hálvt annað til tvey ár, sigur Andras Róin, stjóri í Bústaðir.
Bústaðir er til reiðar at lyfta uppgávuna at syrgja fyri, at 500 til 700 leiguíbúðir eru til taks innan 5-7 ár, sigur Andras Róin:
